أولا: أثمنة الذهب اليوم في المغرب (شراء الذهب الجديد والمستعمل)
"بزاف منكم كيسولوا شحال واصل الغرام اليوم. خاصكم تعرفوا أن الأثمنة كتختلف على حسب النوع والموديل
1. الذهب الجديد (الموديلات):
◦ أقل ثمن في الأوزان الثقيلة كيبدأ من 1300 حتى لـ 1350 درهم للغرام
◦ الموديلات الخفيفة (الوزن الخفيف) كتوصل حتى لـ 1450 أو 1500 درهم للغرام.
◦ وكاين اللي كيبيع بـ 1550 درهم على حسب الحانوت والمدينة
2. الذهب المستورد (إيطاليا وتركيا):
◦ الثمن ديالو كيكون طالع بزاف وواصل ما بين 1600 و1700 درهم للغرام
3. الذهب البلدي:
◦ عصير الصابون: كيبدأ من 1250 درهم للغرام (إلى كان ثقيل فوق 30 غرام)
◦ الرادكو والدماج: الثمن كيتراوح ما بين 1300 و1350 درهم للغرام
4. الذهب المستعمل (اللي بغى يخزن فلوسه):
◦ إلى كان الذهب قديم ومكرفص (مدكدك)، الثمن بين 1150 و1200 درهم
◦ إلى كان نقي وما باينش فيه اللباس، كيوصل حتى لـ 1300 درهم للغرام
5. اللويز:
◦ اللويزة ديال "العين" (الرائجة في المغرب) ثمنها بين 5500 و5700 درهم، وكاين اللي وصلها لـ 6000 درهم مع هاد الغلاء
--------------------------------------------------------------------------------
ثانياً: أثمنة البيع (إلى بغيتي تبيعي ذهبك للحانوت)
"إلى عندك الذهب وواقفة على الفلوس، هادي فرصة زوينة للبيع حيت الأثمنة مرتفعة
• عيار 18 (الذهب ديال المغرب): كيشريوه من عندك ما بين 1100 و1180 درهم للغرام على حسب النقا ديال القطعة
• الذهب ديال الخارج (أوروبا والخليج):
◦ عيار 21: كيبدأ من 1285 درهم للغرام
◦ عيار 24: كيبدأ من 1470 درهم للغرام
• نصيحة: سولو في بزاف ديال المحلات (الأول والثاني والثالث) حتى تلقاو أعلى ثمن حيت كل ذهبي وباش كيخلص