أسعار الذهب اليوم 2 فبراير 2026 - فترة تصحيح وفرصة ذهبية
السلام عليكم اليوم 2 فبراير 2026، كاين أخبار زوينة بزاف حيت البورصة العالمية عرفات واحد الانخفاض، وهذه كتسمى فترة تصحيح وهي فرصة ذهبية لينا كاملين. غنعطيكم الأثمنة الحقيقية اللي كاين في المحلات اليوم
أولا: أثمنة الشراء اليوم - بشحال غتشريه من عند الذهبي
البنات، الثمن اليوم راه ناقص مقارنة بشهر واحد اللي فات، وهذه هي الوقيتة باش تحركوا. الأثمنة كتختلف من مدينة لمدينة ومن محل لمحل، ولكن هادو هما الأثمنة المتداولة.
1. الذهب الجديد - الموديلات
الثمن كيبدأ من 1300 درهم حتى لـ 1400 درهم للغرام. وإلا كان الموديل طوندونس ويلاه خرج، راه يقدر يفوت 2000 درهم للغرام على حساب الخدمة والستيل.
2. الذهب البلدي - عصير الصابون والسراتل والرادكو
عصير الصابون: إلا كان فيه غرامات كثيرة، كيدير تقريبا 1250 درهم للغرام.
السراتل والرادكو: الثمن ديالهم كيدور في 1300 درهم للغرام، وما نصحكمش تفوتوا فيهم هاد الثمن اليوم.
3. الذهب المستعمل - Occasion
إلا كان نقي ويشبه للجديد: ما بين 1200 و1300 درهم للغرام.
إلا كان مكرفص أو مدقدك للتذويب: ما بين 1150 و1200 درهم للغرام.
4. ثمن اللويز
لويزة 10 الفرنك: كتدير ما بين 5700 و6000 درهم. وردوا البال تكون نقية والوجه ديالها باين ماشي ممسوحة.
لويزة 20: كتدير ما بين 9500 و9800 درهم.
ثانيا: ثمن البيع - إلا بغيتي تبيعي ذهبك للذهبي
بزاف منكم كيسولوا واش نبيعوا دابا؟ النصيحة هي ما تبيعوش دابا! الثمن اللي غياخذ من عندكم الذهبي طايح بزاف، كيدير ما بين 1100 و1140 درهم للغرام. صبروا شوية حيت الذهب قريبا غيعاود يطلع، ومن الأحسن تبيعوا ملي يوصل ثمن الشراء لـ 1250 أو 1300 درهم للغرام باش تربحوا فيه.
ثالثا: نصائح ذهبية قبل ما تمشي تقداي
1. دوري وسولي - التواي
الذهب ما عندوش ثمن موحد في المغرب كامل، كاين المضاربين والشناقة. دوري في القيسارية، سولي الأول والثاني والثالث حتى تلقاي أقل ثمن.
2. فرقي بين البلدي والموديل
إلا كنت باغية تخزني فلوسك، شري البلدي الرادكو والسراتل حيت المصنعية ديالهم ناقصة وملي كتبيعي كتلقاي فيه الربح.
3. قانون اللعبة - الميزان
ملي تدخلي عند الذهبي، سولي نيشان: شحال داير الرادكو اليوم؟ باش يعرفك فاهمة. وضروري يعبر ليك البياسة قدام عينيك وتشوفي العبار، وما تخلصي حتى تقلبي الذهب واش فيه شي عيب.
4. ستراتيجية المستثمرين
إلا كنت شريتي الذهب غالي مثلا بـ 1500 درهم ودابا طاح، شري كمية أخرى بـ 1300 درهم. هكا كطيحي الثمن الإجمالي ديال الذهب اللي عندك وكتكوني ديما رابحة.
5. ما تربيش الكبدة على الفلوس
الذهب هو اللي كيحافظ على قيمة الفلوس. إلا عندك بركة مخبية، شري ذهب وانسايه، راه الذهب كيبغي تقصاح الكبدة وما تبقايش حاضية البورصة كل ساعة.
خاتمة
في الأخير، الذهب راه كيبقى همة وشان وأمان للزمان. وخا تشوفوه هبط شوية، راه بسبب الأوضاع العالمية والتحركات العسكرية، الذهب يقدر يطير في أي لحظة ويفوت 1500 أو حتى 1700 درهم للغرام في الشهور الجاية. اللي عندها شي فليسات، هذه هي الوقيتة للشراء، واللي بغات تبيع تصبر شوية.
جدول أسعار الذهب بالمغرب - 2 فبراير 2026
| نوع الذهب | الوصف / الحالة | السعر بالدرهم |
|---|---|---|
| أثمنة الشراء من الذهبي | ||
| الذهب الجديد | الموديلات العادية | 1300 - 1400 درهم/غرام |
| الذهب الجديد | موديلات طوندونس حديثة | قد يصل إلى 2000 درهم/غرام |
| الذهب البلدي | عصير الصابون (غرامات كثيرة) | 1250 درهم/غرام |
| الذهب البلدي | السراتل والرادكو | 1300 درهم/غرام |
| الذهب المستعمل | نقي يشبه الجديد | 1200 - 1300 درهم/غرام |
| الذهب المستعمل | مكرفص أو مدقدك للتذويب | 1150 - 1200 درهم/غرام |
| اللويز | لويزة 10 (الفرنك) نقية | 5700 - 6000 درهم |
| اللويز | لويزة 20 | 9500 - 9800 درهم |
| أثمنة البيع للذهبي | ||
| البيع للذهبي | السعر الحالي (غير منصوح به) | 1100 - 1140 درهم/غرام |
| البيع الموصى به | عند وصول السعر إلى | 1250 - 1300 درهم/غرام |
| التوقعات المستقبلية | ||
| التوقعات | السعر المتوقع الشهور القادمة | 1500 - 1700 درهم/غرام |
نصائح سريعة للمشترين والبائعين
| النصيحة | التفاصيل |
|---|---|
| للمشترين | هذه فترة تصحيح وفرصة ذهبية للشراء |
| للبائعين | انتظروا ارتفاع الأسعار، لا تبيعوا الآن |
| التواي | قارن الأسعار في عدة محلات قبل الشراء |
| للاستثمار | ركز على الذهب البلدي (المصنعية أقل) |
| استراتيجية ذكية | اشتر بسعر منخفض لتخفيض متوسط التكلفة |